Икшывылан тӱлам кугемдат

2020 ийыште Российыше икымше да кокымшо икшывылан тылзе еда тӱлымӧ пособий кугемеш, каласеныт ТАСС Минпаша пресс-службыжлан ссылке дене. Тыгеракын, элыштына кокла пашадар эртыше ийын 11,2 тӱжем теҥге лийын гын, шушаш ий гыч, регионлан эҥертен, 12 тӱжемыш шуэш.

«Финансовая поддержка семей при рождении детей» проект почеш тӱлалташ тӱҥалеш.

Республикысе Минпашаште кузе ушештарышт, 2020 ий гыч тиде тӱлам палемдыме критерий вашталтеш. Кызыт илен лекташ ситыше минимум 1,5 шуэш гын, 2020 ий гыч тыгай критерийыш илен лекташ ситыше кок минимум пурышаш.

Тиде пособийым тӱлымӧ жапым икшывын кум ийым темымыж марте шуен кертыт.

«Кызыт Башкирийыште пособий 9 182 теҥгеш шуэш. 2020 ий гыч тудо 9789 теҥге лиеш», – умыландарен Башкирий Минпашан пресс-секретарьже Роза Кузьменко.

«Башинформ» ИА.