Икшыван еш-влаклан 113 млн. теҥге оксам колтымо

2019 ий 9 тылзылан Пенсий фонд управлений-влак республикысе район ден олалаште ава капиталл гыч тылзе еда тӱлымылан 975 йодмаш пурен.

Тидыже эртыше ийысе деч кок ганалан шукырак. Башкортостан Республикыште ава капитал гыч тылзе еда тӱлымылан 1635 еш йодын толын, 2019 ийыште тӱлан кугытшо 9182 теҥге, каласен Россий Пенсий фонд правленийын пашаеҥже, Башкортостан Республикыште пӧлка вуйлатыше Фоат Хантимеров.

Тылзе еда тӱлымылан йодмашым кеч-могай жапыште, ешыште кокымшо икшыве шочмо деч вара 1,5 ий марте, пуаш лиеш. Икымше пелийыште Пенсий фондыш толмо годым тӱлам аза шочмо кече гыч пуат. Куд тылзе деч вара йодмашым возымо деч вара, тудым серыме дате деч вара тӱлат. Тылзе еда тӱлымылан йодмашым Пенсий фонд управленийын клиентский службышто налыт. Тыгак ПФР сайтыште личный кабинет гоч йодмашым возаш лиеш. Тыштак тылзе еда тӱлаш калькулятор уло. Тудын гоч тӱлан кугытшым пален налаш лиеш.

ОПФР пресс-службо.