Титакан еҥым эрык деч посна коденыт

Прокуратура республикысе Верховный суд гоч Калтаса районышто илыше 23 ияш рвезым эрык деч посна кодаш ыштен.

Ончыч Краснокамский межрайонный суд тудым 3 ият 1 тылзылан эрык деч посна 3 ийлан условно испытательный срок деч посна кодаш приговорым луктын. Тудо йӱшӧ вуя аварийым ыштен, тушто еҥ колен (РФ УК-ын 264-ше статьяжын 4-ше ужашыжын «а» пунктшо). Титакан еҥым кум ийлан транспортный средствам виктарымаш права деч посна коденыт

Судышто палемдыме, тений май тылзын водитель, йӱшӧ вуя, «ВАЗ 2114» автомобиль руль воктеке шинчын.

Кудалмыж годым ваштареш толшо полосаш лектын да корно тӱрыш кумыкталтын. ДТП-ште 30 ияш рвезе колен.

Тудо шке титакшым признатлен.

Прокуратура тудым торжан наказатлаш лийын, кеч эҥгекыш логалше велым титакан еҥым торжан наказатлаш йодын огыл.

Верховный суд район прокуратурын позицийже дене келшен да ты рвезым 3 ият 1 тылзылан эрык деч посна коден.