Диспансеризацийым ынде каныш кечылаштат эрташ лиеш

Диспансеризацийым ынде каныш кечылаштат эрташ лиеш. Тидын нерген оперативкыште эмлымверын тӱҥ врачшын пашажым шуктен шогышо Ренат Шарифьянов каласен.

Кузе Ренат Яудатович палемден, кодшо шуматкечын Краснохолмский селасе эмлымверыште 59 еҥ диспансеризацийым эртен, а райрӱдӧ эмлымверыште – 41 еҥ. Профилактике медтекшырымаш ден диспансеризаций черым ончылгоч пален налме ик эн сай йӧн. Сандене тидым ышташ ида ӧркане да поликлиникыш миен диспансеризацийым эртыза.