Почтышто шӱкшакым погымылан тӱлымӧ годым комиссийым налаш огыт тӱҥал

Башкирийыште яллаште, кушто банк офис-влак уке улыт, Россий Почто собственник-влакын шӱкшакым погымылан тӱлымӧ годым комиссийым налаш огыт тӱҥал. Тудо 24 октябрь гыч пашам ышташ тӱҥалеш.

Башкирийыште чылаже 700 утла почто пӧлка уло. Сандене республикыште илыше калык ТКО-лан почта пӧлкаште, тыгак почтальон дене, кӧн мобиль почтово-кассовый терминалже уло, тӱлен кертыт. Пытартышыже поснак пенсионер-влаклан, пенсийым Россий почто гоч налыт, йӧнан.

Ушештарена, 2019 ий 20 сентябрь гыч почто пӧлкалаште комиссийын кугытшо 20 теҥгеш шуын.