Радий Хабиров «Икоян Российын» региональ пӧлкажым вуйлатен

«Икоян Российын» Башкортостанысе региональ пӧлкажын секретарьжылан Республике вуйлатыше Радий Хабировым сайленыт. Тыгай пунчалым региональ пӧлкан партий Конференцийыштыже лукмо.

Хабировын кандидатурыжо шотышто Партий советын Генеральный Президиумыштыжо кутырымо. Тудыжо тиде кечылаште Москваште эртен. Ончыч секретарьын пашажым 10 ий жапыште Константин Толкачев шуктен шоген.

Ушештарена, ончыч Партий вуйлатыше регион вуйлатыше-влакын «Икоян Российын» региональ пӧлкаже-влакым вуйлатен шогаш лукмо инициативе дене келшен. Партий структуро-влак чынжымак РФ субъект вуйлатыше-влаклан полшен кертыт манын, тудо палемден.