Калтаса ужара
+20 °С
Пылан
Все новости
Новости
30 Шыжа 2019, 21:00

Тунемше-влак изи актер лийыныт

Тунемше-влак изи актер лийынытРайрӱдӧ Культура пӧртыштӧ «Театр маске» театрализованный постановко конкурс эртен

Райрӱдӧ Культура пӧртыштӧ «Театр маске» театрализованный постановко конкурс эртен. Мероприятийым школ деч ӧрдыжтӧ туныктымо рӱдер организоватлен да икшыве-влакым театр искусствылан шӱмаҥдаш манын эртарен.
Конкурсышто школлаште тунемше-влак участвоватленыт. Положений почеш нуно жюрилан 15-20 минут утла шуйнышо театрально-художественный кеч-могай постановкым ончыктышаш улыт: драматизаций, музыкаль спектакль, инсценировко, клоунаде, йоча опера, фольклор але балаганный театр да молат.
Актыган тичмаш огыл кыдалаш школ, Павасола, 2 №-ан Калтаса, 3 №-ан Краснохолмский кыдалаш школ-влак да Тошто Оръямучаш тичмаш огыл кыдалаш школын вич коллективше театрально-художественный постановкым ончыктеныт. Изи актер-влакын выступленийыштым жюри аклен, а тушко Э.Г. Галимова, И.В. Карасева, Н.В. Тимофеева пуреныт.
Икшыве да нунын вуйлатышышт ончылно выступатлыме годым Эльвира Гавриловна конкурсын чыла участникшым мокталтен.
– Таче те сценыш лектын изи актер семын выступатленда, – каласен тудо. – Тидым палемдыме шуэш, те шке актер мастарлыкдам устан модын ончыктенда, а тендан вуйлатышыда-влак – режиссер семын. Тендам модмыдам ме кумыл шуын онченна.
Кеч-могай конкурс – тиде конкуренций, тыште сеҥыше-влак улыт. «ВПР» постановкышто Павасола школын «Классная компания» командыже икымше верым налын. Кокымшо верыште – 2 №-ан Калтаса КШ. Нуно Александр Вампиловын «Свидание» сценкыжым ончыктеныт. 3 №-ан Краснохолмский КШ-ын «Театральный сундучок» командыже кумшо лийын. Нуно «Семья» сценкым модын ончыктеныт.
Чылаштымат Почетан грамота да кумылаҥдыме приз дене палемдыме. Ӱдырамаш рольым устан модмылан Анастасия Минабашевалан Чап грамотым кучыктеныт, а эн сай пӧръеҥ роль – Данил Ямиевлан.
Палемдымаш деч вара жюри актер-влакын модмаштышт «плюс» ден «минус-влакым» каҥашеныт да ончыкылыклан каҥашым пуэныт.