Калтаса селасе «Сказка» йочасадлан вич ий темын. Тудын пашаеҥже-влак тыште йӧратымаш ден куанымаш атмосферым шочыкташ да йоча-шамычын илышыштым оҥайрак да поянрак ышташ тыршат

Мемнан учрежденийын историйже 2014 ий 30 октябрьыште тӱҥалын. Тунам йочасадыш 2 гыч 7 ияш марте 120 икшыве толын. Таче тышке 166 йоча коштеш. Йочасадыште куд ийгот группа пашам ышта, кажныжын шке лӱмжӧ уло. Йочасадыште кажне йочалан гармонично вияҥаш чыла йӧнат уло: спортивный ден музыкальный зал, логопункт, педагог-психологын кабинетше, оралтыште сылнын сӧрастарыме площадке-влак, автогородок.

Вич ий почела йочасадым Ильгузина Нина Степановна вуйлата. Тудо шке йырже профессионал-влакым гына чумырен. Шке примерже дене тудо воспитатель-влакым чулым да чолга лияш, шындыме цельыш шуаш тарата. 2018 ийыште эртыше «Женщина-директор года» конкурсын XXII региональ этапыштыже участвоватлен, 2019 ийыште «Женщина – мать нации» III-шо республиканский конкурсышто финалыш лектын. Мемнан йочасадын педагогика составше творческий, тыршышан да моткоч чулым улеш. Тачысе кечылан тыште 9 воспитатель, музыкальный руководитель, туныктышо-логопед, физкультура дене инструктор, медшӱжар да техперсонал тыршат. Нуно шке квалификацийыштым чӱчкыдын кӱкшемден шогат. Арамлан огыл, очыни, ойлат, йоча дене пашам ышташ тыршымаш гына огыл, а призваний кӱлеш. Коллектив икшыве-шамычым туныкташ манын, мом гына шонен ок му. Тӱрлӧ экскурсий, конкурс ден спорт таҥасымашлаште участвоватлат. Воспитатель-влак Н.А. Кузнецова, В.В. Якупова, О.С. Валтиева, Н.Ю. Минабашева да музыкальный руководитель Л.А. Бережнова «Проектная работа педагогов дошкольных образовательных учреждений» район конкурсышто призер лийыныт. Тыгак «Лэпбуки» творческий паша район конкурсышто мемнан воспитательна-влакым образований пӧлкан Чап грамотыжо-влак дене палемденыт. Тений школлан ямдылыме группын воспитательже-влак И.Н. Сираева ден Т.В. Соцкова школлан 33 йочам ямдылат.

Сценарий, репетиций, а вара музыкальный пайрем-влак – тиде музыкальный руководитель Л.А. Бережнован кажне кечын шуктымо пашаже. Тудын тыршымыжлан кӧра мемнан йочана-влак музыкальный инструмент дене шоктат, инсценировкылаште, «Весеняя капель» конкурсышто участвоватлат, мурат да куштат.

Туныктышо-логопед А.И. Ярославовам палемдыме шуэш. Тудо шке пашажым кӱкшӧ уровеньыште намия. Кажне ийын Альбина Ильясовна шке опытшо дене районысо педагог-влакым палдара. Тыгак тудын воспитанникше-влак – «Поклонимся великим тем годам», «Любимый край, где цветет курай», «Экодетство» да моло район конкурслаште участвоватлат да сеҥат. Тиддеч посна тудо тӱҥалтыш профушем вуйлатыше улеш да «Лучший профсоюзный лидер» конкурсышто сеҥен.

Старший воспитательын пашаже вуйын шогыман улеш. Занятий-влакым чын шеледаш, йоча-влакын тунеммашыштым эскерымаш, мероприятий-влакым эртарымаш – чыла тиде пашам Илтубаева Элиста Михайловна шукта. Тудо шке пашажым сай палыше профессионал улеш.

Йочасадыште спорт кеч-кунамат лийын да лиеш. Мутлан, районысо теле спорт спартакиадыште мемнан спортсменна-влак 1-ше верым сеҥен налыныт. Тыште физкультура дене инструктор С.А. Раянован надырже кугу.

Педагогика пашаеҥ-влак Чап грамота да диплом-влак дене палемдалтыт, региональ да муниципаль конкурслаште участвоватлат. Йочасадын коллективше ий еда районысо фестивальыште «Сеҥымаш Салют», «Экологий идалык», «Кино ий», «Театр идалык» калык творчестве конкурслаште участвоватла да призан верлам налеш. Творческий паша шотышто ме шуко ошкылым ыштенна, мыйын шонымаште, нунышт эше шуко лийыт.

Младший воспитатель Ю.А. Лобастовалан, Э.В. Тимиргалиевалан, Р.Р. Минилбаевалан, Д.С. Шамратовалан, И.И. Ахметхановалан, Н.С. Шакиевалан таум мутым каласыме шуэш. Нунын тыршымыштлан кӧра группыште ару, волгыдо, туныктымо пашаште воспитатель-влаклан полшат, пукшат, чиктат.

Йочасадыште кажныже шке пашажым шукта. Икшыве-влакым тазалыкыштым старший медшӱжар Н.В. Савитова текшыра. Р.В. Зайникаева зданийым да территорийым порядкыште куча. Т.Е. Фахрутдинова вакшышым мушкеш да гладитла. «Тудын деч посна, кид деч посна гай чучеш» – тыге ойлат зданийым обслуживатлыше пашаеҥ Ю.В. Николаев нерген. Кеч-могай дошкольный учрежденийын илышыштыже ача-ава-влакым полшымышт деч посна ок лий. Нуно пайремым организоватлат, олмыктымо пашам эртараш полшат, конкурс ден мероприятийлаште участвоватлат. «Зимние постройки» район конкурсышто ача-ава-влакын тыршымыштлан кӧра мемнан йочасадна 1-ше верым налын. Нунын шонымашыштым воспитатель-влак кеч-кунамат поддержатлат. Шкенан йӧратыме икшывын

а-влаклан мом гына огына ыште.

Икшыве-влакын сеҥымашыштлан пырля куанаш – пашаче коллективын тӱҥ задачыже. «Сказка» ояр, чолга илышым намия. Юбилей дате историйыш пура, а ончылно мемнам у сеҥымаш, педагогика мастарлыкым кӱкшемдымаш, селан, районын, республикын илышыштыже участвоватлымаш, а эн тӱҥжӧ – изи йоча-влакым туныктымаш вучат.

Э. Илтубаева, старший воспитатель.