3 №-ан Краснохолмский кыдалаш школышто ОБЖ дене Всероссийский виш урок эртен

Кызытсе жапыште калыкым да территорийым тўрлє лўдыкшє деч аралыме йодыш моткоч пўсє лийын кодеш. Россий Федерацийын безопасность шотышто чумыр системыште тў‰ фактор – управленийым чын организоватлымаш, яллам да гражданский оборона средствам вия‰дыме шотышто мероприятий-влакым шуктымаш, чрезвычайный ситуацийым пытарыме да ончылгоч кора‰дыме икоян кугыжаныш системым ыштымаш, аварийно-спасательный да моло кўлешан пашам шуктымаш да молат. Таче гражданский оборона калыкым да территорийын чрезвычайный ситуаций деч аралыме ик эн тў‰ кугыжаныш мероприятийлан шотлалтеш.

1 гыч 31 октябрь марте Башкортостан Республикыште Гражданский оборона месячник эртен. Тудо ий еда эртаралтеш.

3 №-ан Краснохолмский кыдалаш школышто гражданский оборона месячник школлан ик эн кугу событийыш савырнен. Тушто тунемше, туныктышо, школышто тыршыше е‰, тыгак ача-ава да селаште илыше калык участвоватлен.

Месячник мийыме годым школышто инструктажым, мутланымашым эртареныт. Шинча да шўлмє орган-влакым аралыме средства-влак дене пайдалыныме, икымше полышым ончыктымо правил-влак дене занятий-влак эртеныт. Пожар безопасность да тул лекме годым шкем кузе кучаш кўлмє, икымше полыш, корно правил-влаклан класс шагат-влак лўмдалтыныт лийын.

16 октябрьыште школышто ОБЖ дене Всероссийский виш урок эртен. Тудо Российыште Гражданский оборона кечылан лўмдалтын лийын. Ты темылан лўмдалтше о‰ай да пайдале урок-влак эртеныт.

Школ стадион территорийыштат урок лийын. Тыште спасательный технике, аварийно-спасательный инструмент да моло средства-влак дене полигоным, «Школа безопасности» та‰асымаш элементан трассым ямдылыме лийын. Чыла тунемше-влак «Пожар!» сигнал дене тунемме эвакуаций шотышто тренировкым эртеныт.

Урок построений гыч тў‰алын. Парадыште 3 №-ан Краснохолмский кыдалаш школын «Школа безопасности» всероссийский детско-юношески общественный толкыныш пурышо-влак, Бурай селасе ДДТ ДО МБОУ, 102 номеран пожар частьын пашае‰же-влак участвоватленыт. 3 №-ан Краснохолмский кыдалаш школын вуйлатышыже Инна Валерьевна Цедилкина та‰асымашын чыла участникшым саламлен да се‰ымашке шуаш тыланен. Мемнан кундемыште чрезвычайный ситуаций-влак нерген 102 №-ан пожарный частьын вуйлатышыже Нил Наилович Ганиев ойлен.

Та‰асымаш тўрлє этап гыч шоген. Команде-влак дистанций-влакым эртеныт. «А» классан кок команде, тушко кугырак да устарак, республике та‰асымаште участвоватлыше тунемше-влак пуреныт, а «Б» классан ныл команде лийын. Нуно чыланат дистанций-влакым эртеныт.

Кажне та‰асымаште се‰ыше-влак улыт. «Комбинированная пожарная эстафета» дистанцийыште мемнан школнан командыже се‰ен, а «Б» классыште бураймыт команде ончыко лектын. «Боевое развертывание» этапыште ийгот шотышто кок командат се‰ыныт. Нуным Грамота да приз-влак дене кумыла‰деныт.

Россий МЧС да общественный организаций-влак тыгай мероприятийлаште тунемше-влак шуко шинчымашым погат манын ўшанат.

Мемнан школын тунемшыже-влак «Школа безопасности» Всероссийский детско-юношески общественный толкынышто чолган участвоватлат. Самырык спасатель-влакын командышт шуко гана чемпион да призер лийын.

Эше тидым палаш кўлеш, чрезвычайный ситуаций-влак айдемын титакшылан кєра лиеда. Сандене безопасность правил-влак нерген мондыман огыл, нуным шуктен да эскерен шогыман.

И.М. Абсалямов