Калтаса район администраций вуйлатыше Юрий Садыров Башкир кугыжаныш медицине университетын студентше-влак дене вашлиймашым эртарен

Калтаса район муниципаль район администраций вуйлатыше Юрий Садыров Башкир кугыжаныш медицине университетын студентше-влак дене вашлиймашым эртарен

Чыланат палат, очыни, Калтаса районысо эмлымверлаште врач-влак огыт сите. Кузе вара кадр-влакым мемнан деке пашашке ўжаш? Тидлан мом ыштыман? Лач тыгай цель дене район администраций вуйлатыше дене эмлымверын тў‰ врачше-влак медицине университетын студентше ден ординаторжо-влак дене вашлиймаш-влакым эртарат.

Тиде кечылаште Башкир кугыжаныш медицине университетыште Калтаса районышто шочшо да целевой направлений почеш тунемше студент-влак дене район администраций вуйлатыше Ю.М. Садыров вашлийын мутланен. Тыгак тыште район администраций вуйлатышын алмаштышыже Елена Алексеева, самырык-влак дене пашам намийыше комитет вуйлатыше Эрик Мурсакаев, Калтаса эмлымверын тў‰ врачшын пашажым шуктен шогышо Ренат Шарифьянов, БР-се Кугыжаныш Погын – Курултайын депутатше Ф.Ф. Галлямов, депутатын полышкалышыже М.Г. Рахманов лийыныт. РДК-ан артистше-влак Кристина Русиева ден Ирина Карасева сылне муро ден почеламут-влакым пєлекленыт. Студент-влаклан районысо производитель-влак деч кочкыш наборым кучыктеныт. Шке сатуштым «Меркурий» ПТФ ООО ден «Агромол» ООО ойыреныт.

Тачысе кечылан БГМУ-то Калтаса районысо школлам тунем пытарыше 37 выпускник тунемеш, тушеч 13 студент – целевик. Ончыкылык врач-влак дене пеш сайын кутыреныт. Вашлиймаш годым, район вуйлатыше, районышто самырык специалист-влак шотышто социальный поддержке нерген каласкален, Р. Шарифьянов район эмлымверыште паша кузе каен шогымо, могай специалист-влак эмлымверыште огыт сите – ойлен. Студент ден ординатор-влак йодышым пуэныт да тудлан тичмаш вашмутым налыныт.

Мучаште Юрий Минзарипович тиде вашлиймаш кўчык жапыште сай результатым пуа манын ўшанен каласыш. Чынжымак студент-влак, содыки, мемнан районышко пашашке толыт манын ўшаныме шуэш.

Шке шонымыштым Башкир кугыжаныш медицине университетын студентше-влакат ойлышт. Нунын мутышт почеш, вашлиймаш сайын эртен. Тыгай вашлиймашын пайдаже да кўлешлыкше уло: студент-влак пеш шуко пален налыныт.

«У проект-влак нерген колышташ да район администраций вуйлатыше Ю.М. Садыров дене палыме лияш о‰ай ыле», – тыгерак каласышт нуно.