Краснохолмский селаште ойыртемалтше да шонанпылын тўрлӧ тўсшӧ дене волгалтше подьезд уло

Чия, кисточке, икмыняр шагат паша – Краснохолмский селасе Губкин уремысе 14 а шуко пачеран пєртыштє илыше калыкым подъезд шўлыкан пырдыж дене огыл, а пырыс, кайык да пеледыш-влак дене весела пейзаж вашлиеш. Чыла тиде талантан самырык художник Юлия Банникован пашаже.

Шукерте огыл республике программе почеш олмыктымо пашам мучашленыт. Чыла пашам ыштыме деч вара «Ремжилстрой» ООО команийын виктарышыже Юлия Банниковалан подъездым сєрастараш темлен. А те йодын кертыда, молан вара лач тудлан? Вашештена – Юлия Юрьевна Сарапул оласе авиационный техникумым графический дизайн специальность да Башкир кугыжаныш университетын Бирскысе филиалжын изобразительный искусствым туныктышо специальность почеш тунем лектын. Кызыт тудо Краснохолмский селасе йоча искусство школышто икшыве-влакым ты моторлыкым ужаш да сўретлаш туныкта. Эше тидым палемдаш кўлеш, Юлия «Любимые художники Башкирии» проектын участникше улеш. Тыгак тиде шуко пачеран пєртыштє ила. Сандене тудо ты пашалан тыманмеш пижын да кумыл шуын подъезым сєрастара.

– Кунам мыланем ты пашам темлышт, мый вигак кєнышым, – ойла Юлия Банникова.

– Чонлан кумылло, кунам шинча ончылно подъезд йєршеш вес тўсым налеш. Мыланем сўретлаш неле огыл, а мє‰гешлан – чонем куана. А икшыве-влак кузе куанат!

Тематике шотышто Юлия Юрьевна кужу жап шонен. Пейзаж ден стилизаций коклаште шуко шонкален. Кокымшыжым ойырен налын. Ик пырдыж йєршеш «весела» лийын: пырыс, кайык да пеледыш-влак. А весыштыже пейзажым сўретлаш шонем. Художница шке пашаштыже нимогай ўпш деч посна ош тўсан акриловый чия да тўрлє тўсан колер дене пайдалана. Нуным компанийын управляющийже налын.

Юлия Банникован мутшо почеш, подъездым яра жапше улмо годым сєрастара. Южгунам пашаже тўрлє амаллан кєра чарна: Вет тудо пашам ышта, еш, пєрт кєргє сомылка, икшыве-влак, а нунышт кумытын улыт.

– Мылам келша, пошкудо-влакланат да унамытланат, – ойла мыланна Юлия. – Нигє тиде молан кўлеш манын каласен огыл.

Шке пашажлан пашадарым ок нал. Ты пєртыштє илыше е‰-влакын таумутыштат сита.

Лишыл кок арняште Юлия шке пашажым мучашлышаш. Ындыжым ты подъездыште илыше калык тудым арулыкышто кучышаш.