Калтаса ужара
+18 °С
Пылан
Все новости
Новости
8 Кылме 2019, 18:20

Калтаса районысо библиотека-влак «Искусство йӱдыш» ушненыт

3 ноябрьыште Башкортостан Республикыште «Искусство йӱд – 2019» культурный событий эртен. Музей, библиотеке, клуб, театр-влак акцийын слоганышкыже ушнен шке омсаштым почыныт да искусство тӱняш чылаштымат ӱжыныт

3 ноябрьыште Башкортостан Республикыште «Искусство йӱд – 2019» культурный событий эртен. Музей, библиотеке, клуб, театр-влак акцийын слоганышкыже ушнен шке омсаштым почыныт да искусство тӱняш чылаштымат ӱжыныт. Мемнан Калтаса районысо библиотеке-влакат ӧрдыжеш кодын огыл.
Калтаса район библиотеке «Калтаса кундемын поэтше-влак» тематике касым организоватленыт.
Краснохолмский селасе библиотекын лудшыжо-влак деке вашлиймашке музыкант, гитарист, «Своими руками» вокаль-инструментальный группын участникше Вячеслав Артюхов толын.
Тошто Яш ялысе библиотекыште «Искусство йӱдын» унаже-влак верысе краеведений музейын экспонатше-влак дене палыме лийын кертыныт, шочмо кундемын эртыше жапшым шарналтеныт.
Кӱшыл Тиктем ялысе библиотекын лудшыжо-влак удмурт писатель-прозаик Роман Валишинын музейыштыже путешествийыште лийыныт да тудын илышыже да творчествыже нерген шуко оҥайым пален налыныт. Тыгак «Мир музеев» викториным эртареныт да слайд-презентацийым ыштыме шотышто мастер-классым ончыктеныт.
Калмаш ялысе библиотекыште пайрем вашеш «Икоян калык – икоян пӱрымаш» выставкым оформитленыт.
Кугу Агытан ялысе библиотекыште «Мемнан шочмо элна нерген паледа мо?» пайдале модмашым, почеламут, сӱрет-влак конкурсым эртареныт, йомакым инсценироватленыт да шке мастарлыкыштым ончыктеныт.