Калтаса ужара
+29 °С
Пылан
Все новости
Новости
13 Кылме 2019, 14:45

Кугу Тогыний ялыште ФАП-ым почыныт

Ындыжым ялыште илыше калыкат медицине услугым сай условийыште налын кертеш.#Башкирий #Калтаса район #Медицине #Здравоохранений #ФАП

Процедурный, смотровой, приемный, вучымо, йоча пӧлем-влак да санузел. Чыла пӧлемат ырыкталтеш. Тиде Кугу Тогыний ялыште у фельдшер-акушер пункт. Тудым эртыше арнян пайрем шӱлышыштӧ почыныт.
Ялыште илыше калык ындыжым икымше медицине полышлан ваштареш шогышо ончычсо ФАП-ын тошто пӧртышкыжӧ, тудым у зданийым чоҥымо годым райэмлымвер арендоватлен, толаш ок перне. Акушерка Светлана Сергеевна Шарипова кузе ойла, тыште ик ий пашам ыштен. Теве кужу жап вучымо жап толын шуын – у ФАП-ым почмо кече.
Ты чапле событий дене нуным саламлаш район администраций вуйлатыше Ю.М. Садыров, БР ялозанлык министерстве территорийым вияҥдыме пӧлкан вӱдышӧ специалист-экспертше Г.М. Аманбаева, БР ГБУЗ-ын Нефтекамск оласе эмлымверын медицине ужаш шотышто тўҥ врачын алмаштышыже Т.Р. Ибрагимов, Калтаса районысо эмлымверын тӱҥ врачын пашажым шуктышо Р.Я. Шарифьянов, «Икоян Россий» партийын верысе исполнительный комитет вуйлатышыже З.В. Максимова да молат толыныт. Ялыште тыгай кугу еҥ-влакым шукертак ужын огытыл, очыни.
– 2016 ий гыч мемнан районышто визымше фельдшер-акушер пункт почылтеш, – палемден погынышо-влак ончылно ойлышыжла Юрий Минзарипович. – «Устойчивое развитие сельских территорий» цельыш виктаралтше федераль программе почеш – кумшо. Моткоч сай, ме республике ялозанлык министерстве дене пеҥгыде кылым кучена.
Район администраций вуйлатыше Кугу Тогыний ял калыкым ты куанле событий дене саламлен да чылаштланат полышым ончыктымыштлан, чытымыштлан да умылымыштлан таум каласен.
Уфа ола гыч уна Гузель Мухаметовна шке выступленийыштыже палемден, тендан районысо администраций ял-влакым тӱзатыме пашам чолган намия. Тудат ял калык верч куана. Ындыжым нунат кызытсе жаплан келшен толшо оборудований дене куралаҥдыме, инструментарий да медицине мебель дене у зданийыште икымше медицине полышым налын кертыт.
А еҥ-влак, игече кеч йӱштӧ лийын гынат, у зданийым почмо деч вара чыланат куанымышт дене кушталташ лектыныт.
Пайремыш Анастасия Кисматоват толын. Тудо ты ялыште ӱмыржӧ мучко фельдшер лийын пашам ыштен. Эн ондак Анастасия Тимирхановна ФАП-ым ончычсо медпункт дене таҥастарен.
– Тыгай чапле у мотор зданийым почмылан мый моткоч куаненам, – ойла тудо. – Пашам ышташ чыла условият уло. Илыш вашталталт толеш, кугыжанышлан таум каласаш кӱлеш. Вет ялыште фельдшер пункт деч посна нигузе. Тудо мемнан кеч-кунамат утара.
Ынде Кугу Тогыний ял калык икымше медицине полышым тичмашнек налын кертеш. ФАП медицине аппаратура дене куралаҥдалтын, тыгак ЭКГ аппарат уло. Интернетым гына ушаш кӱлеш лиеш.