Калтаса ужара
+18 °С
Пылан
Все новости
Новости
13 Кылме 2019, 17:10

Районысо у фермыш Даний гыч ушкал-влакым кондымо

У, эше чоҥалтше гына «Победа» ООО-н ушкал фермышкыже Даний гыч голштинский шем-ола урлык тӱйыж пашмак-влакым конденыт. Чылаже 378 вуйым.

У, эше чоҥалтше гына «Победа» ООО-н ушкал фермышкыже Даний гыч голштинский шем-ола урлык тӱйыж пашмак-влакым конденыт. Чылаже 378 вуйым.
Калтаса ИКЦ-ын зоотехник-консультанше А.А. Иксановын мутшо почеш, тиде урлык ушкал-влак кӱкшӧ лӱштышым пуымышт дене ойыртемалтыт. Идалык мучко нуно латик-латкок тўжем килограмм шӧрым пуат. Тиде моло ушкал-влак дене таҥастарымаште кум-ныл гана шукырак.
Ушкал-влакым комплексын ямде корпусыштыжо вераҥдыме. Кокымшо корпус ямде лиймеке, адакат Даний гыч тиде урлык вольыкым тынар вуйымак кондымо лиеш. Вара январьыште эше 280 тўйыж пашмакым кондат. Комплексыште 1200 ушкалым вераҥдаш лиеш.
Озанлык ушкал-влакым вашлияш шукертак ямдылалтын. Эше кеҥежым кургым ямдылыме, фуражат ситышын уло.