Пачерлаште йӱштӧ

Кодшо арнян районысо ЕДС-ыш (единый диспетчер службо) 55 гана йыҥгыртеныт.

Шуко йыҥгыртымаш пачерлаште шокшо уке улмо дене кылдалтын лийын. Тӱҥ шотышто Краснохолмский селаште илыше-влак йыҥгыртеныт. Райрӱдыштӧ электроэнергий да газ оборудований дене кылдалтше йодыш-влак тӱҥ лийыныт. Шыжым гын, чынжымак пачерлаште шокшо уке дене шуко йодыш лектеш.

Вашке полышым район калык 18 гана ӱжыктен, полиций пашаеҥ-влакым – 7 гана.