Шоя вызовлан наказатлат

9 гыч 10 ноябрь йӱдым 112 номерыш Калтаса селаште илыше пӧръеҥ Калтаса селаште пӧрт йӱла манын йыҥгыртен.

Йыҥгыртыме деч вара тиде верышке пожарный-влак толыныт, но нимогай пожарым ужын огытыл. Пӧрт озавате каласен, тиддеч ончыч, 8 ноябрьыште, тыгак тудын адресышкыже палыдыме еҥ, газ службо пашаеҥ ден полиций-влакым ӱжыктен.

Телефон дене шоя уверым шаркалыше еҥым пален налме да тудо закон почеш мутым кучаш тӱҥалеш.