Шыже мемнан деке унала толын

Кажне жап шке семынже мотор улеш. Теве Тӧлдӧ ялысе «Родничок» йочасадын воспитанникше-влакат шыжын чыла моторлыкшым ончыкташ лийыныт да пайремым эртареныт.

Мероприятий деч арня ончыч икшыве-влак ача-авашт дене пырля тўрлӧ деч тўрлӧ поделке-влакым ямдыленыт. А 14 октябрьыште икшыве-влак деке Шыже Королева унала толын. Палемдена, шыже пайрем мемнан йочасадыште ик эн йӧратыме улеш. Лач ты пайремлан икшыве-влак, нунын ача-авашт ояр, мотор деч мотор костюм-влакым ямдылат. Утренникыште нуно веселитленыт, икте-весыштын костюмыштым ӧрын онченыт, муреныт, куштеныт, сценкым ончыктеныт, весела модыш-влак дене модыныт, шыже нерген почеламут-влакым лудыныт, йомакысе герой-влакым вашлийыныт. А мучаште нуно чыла икшывылан чевер олмам пуэн. Пайрем чылалан келшен, веселан да оҥайын эртен.