Ӱдырамашым икмыняр привычке шоҥгемда

Айста изишак шкенам шымлена да нине привычке-влак деч кораҥына

Пӱгырнен коштыда

Пӱгырнен коштмаш тазалыклан веле огыл эҥгекым конда, тендам шоҥго ӱдырамашыш савыра.

Вуйым сакен коштыда

Тидын годым ӱдырамашын шӱйыштыжо, декольте верыште куптыр шукемеш, тудыжо адак гынат шоҥгемда.

Шинчам ишен ончеда (щуритесь)

Мӱндыркӧ сайын огыда уж гын, очким але линзым налза. Кунам шинчам ишен ончеда, тудын йыр куптыр шукемеш, а тудыжым вашке пытараш ок лий.

Эре сырен коштыда

Ӱдырамашым шӱлык кумыл деч посна, нимо тынаре ок шоҥгемде. Огыда ӱшане? Тунам шӱлык да весела ӱдырамашым таҥастарыза.

Кужу ӱпдам кылден погеда

Кужу ӱп тиддеч поснат ӱдырамашым шоҥгемда. Молан манаш гын, ий гыч ийыш ӱпын тазалыкше лунчырга, мучашыже шелышталтеш, ок йылгыжалт да тӱсшат вашталтеш. Тиддеч посна тӱрлӧ заколко, резинке, пеледыш да молат 40 ий деч кугырак ӱдырамашлан изишат келшен ок тол. Тидыже нуным шоҥго курчакыш савыра. Шӱргывылышлан келшыше прическым муыда гын, иктаж 10 ийым кудалтен кертыда.

Волгыдо тӱс дене чиялташ йӧратеда

Йошкар помадан, шем стрелкан, бронзо пудран Мерилин Монрон стильжылан келшыше волгыдо мейк-ап ийготын шке чеверлыкшым пытара. Рвезырак койнеда гын, нюд макияжым ыштыза.

Шинчам да шӱргым туржыда

Самырыклыкым аралынеда гын, шӱрго ден шинчам шуэнрак туржса. Чӱчкыдын туржмаш шинча йымалне куптыр ден какар палым шочыкта.