Калтаса районышто «Город мастеров» конкурсышто сеҥыше-влакым увертареныт

Кумыж, пушеҥге гыч ыштыме тӱрлӧ ӱзгар, калык да йӱла дене кылдалтше курчак, изи гына пӧрт ден юрта-влак, шун гыч модыш… Тиде да шуко пашам районысо тунемше-влак «Город мастеров» конкурсышко колтеныт. Тудым школ деч ӧрдышто пашам намийыше рӱдер (ЦВВ) организоватлен.

Конкурсыш чылаже 54 паша пурен. Кажныже – йоча кид дене ыштыме изи шедевр. Тиде – тӱрлӧ калыкын илемже – юрта, руш ден марий калыкын пӧрт ден оралтыже, тӱрлӧ курчак, шун гыч ыштыме модыш ден панно, пу гыч ыштыме ӱзгар.

Конкурсышто Павасола, 1 №-ан Калтаса, 2 №-ан Калтаса, Кӧтерем, 1 №-ан Краснохолмский, 3 №-ан Краснохолмский кыдалаш школ-влак, Актыган тичмаш огыл КШ, Ӱлыл Качмаш КШ-ын тунемшыже-влакын пашашт сеҥен.