Мераҥ кешырым молан йӧрата?

Кокла кугытан 2-3 кешырыште А витаминын суткаш дозыжо уло, а тидыже – йывыжа коваште, пӱсӧ шинча, таза аза (ончыкылык да чызым пукшышо ава-влаклан).

Кешыр организмым шлак да токсин деч эрыкта. Тиде пакчасаска кӧргысӧ бактерийым пытара, кочкышым шулыктарыме пашам саемда, мӱшкырым иземда, кумылым нӧлталеш. Пакчасаскасе витамин ден минерал-влак иммунитетым пеҥгыдемдат, онкологий чер дене черланыме деч аралат.

Кешыр пӱйым, пӱйшылым, ӱп вожым пеҥгыдемда да саемда. Вӱрыштӧ PН манмым нормыш конда: организм щелочь средаш савырна, а тыгайыште нимогай бактерий илен да шукемын огеш керт. Кешырыште А витамин ден бета-каротин шуко. Нуно организмыш сайынрак шыҥдаралтышт манын, кешырым (сокым, нӱжымӧ пакчасаскам) кушкыл ӱй дене йӧраш пайдале.