Калтаса ужара
+18 °С
Пылан
Все новости
Новости
22 Кылме 2019, 17:40

Калтаса туныктышо-влак «Точка роста» рӱдер вуйлатыше-влакын форумыштышт лийыныт

Форум «Крокус-Экспо» Конгресс-Холлышто эртен. Погынышо-влак икымше иктешлымашым ыштеныт да цифр да гуманитар профилян «Точка роста» рӱдер-влакын ончыко вияҥмышт нерген кутыреныт.

Тиде ола историй дене поян. Йошкар площадь, Кремль Василий Блаженныйын Соборжо, ВДНХ, «Пашазе ден Колхозницалан» монумент, кумдан палыме театр-влак – кажныжым шке шинча дене ужаш кӱлеш. Тиде ола шкеж деке шупшеш да ӧрыктара. Туге гынат, мый экскурсийыште мом ужмем нерген гына огыл возынем. Москваште «Точка роста» рӱдер вуйлатыше-влакын форумышт эртен. Тышке мый, А.Р. Кагиров да С.И. Минниханова миенна. Ме Башкортостан Республике гыч делегацийыш Калтаса район гыч логалынна.
Ушештарем, тений сентябрь тылзе гыч села ден изи олалаште цифр да гуманитар профилян «Точка роста» рӱдер-влак почылтыныт. Мемнан республикыште гына тыгай 133 рӱдер пашам ышта, шушаш жапыште эше икмыняр рӱдер почылтшаш.
Форум «Крокус-Экспо» Конгресс-Холлышто эртен. Тушто Россий Федераций просвещенийын министрже Ольга Васильева, Россий Федераций просвещенийын министрын алмаштышыже Марина Ракова, образований вияҥме у формо Фондын генеральный директоржын пашажым шуктен шогышо Максим Инкин участвоватленыт. Погынышо-влак икымше иктешлымашым ыштеныт да цифр да гуманитар профилян «Точка роста» рӱдер-влакын ончыко вияҥмышт нерген кутыреныт.
Тенийсе тунемме ий гыч селасе тунемше-влак «Технологий», «Информатика», «ОБЖ» предмет-влакым у тунемме оборудований-влак полшымо дене тунемыт. Урок-влак деч вара тунемше-влак цифр, естественно-научный, технический, гуманитар занятий-влакыш кошташ йӧнышт уло, тыгак шахмат дене модын але шкеныштын медиапродуктыштым шочыктен кертыт. Чыла тиде кушкын толшо тукымлан у компетенций-влакым формироватлаш йӧным ышта. Кугыеҥ-влакат цифр технологийым шымлен але творчествао дене заниматлалтын кертыт.
«Точка роста» рӱдерлаште туныктышо-влак йоча-влак дене пырля тунем, а чыла пален налмеке, мастер-класс-влакым эртарен кертыт.
Тиде проект «Современная школа» федераль проект пелен илышыш шыҥдаралтеш. Тудым илышыш пурташлан федераль бюджет гыч оксам ойырымо. Тидлан кӧра районысо кум школ: 1 да 3 №-ан Краснохолмский, 1 №-ан Калтаса – шкеныштын материально-технический базыштым уэмден кертыт.
Тений кеҥежым, нине школлаше технологийым туныктышо-влак Екатеринбург оласе «Кванториум» Ельцин рӱдерын базыштыже тунеммашым эртеныт. Лишыл жапыште ОБЖ ден информатикым туныктышо-влакат тыгаяк тунеммашым эрташ тӱҥалыт. Москвасе форум мыланем да пашам пырля ыштыме йолташем-влаклан рӱдер-влакым вияҥдаш ешартыш стимул лийын. Форумышто шуко йодышлан ме вашмутым колна. Моло рӱдер вуйлатыше-влакын пашатым ужна. Тӱрлӧ шонымаш, опыт, йодыш-влак да нуным решатлымаш, тыгак оҥай, творческий еҥ-влак дене вашлиймаш – Москвасе форумыш миен толмынам тыгерак иктешлаш лиеш.
Пашам пырля ыштыме йолташем-влак, кудышт дене ме Москвашке миенна – Снежана Иосифовна ден Артур Рафисович нерген каласынем. Улыт тыгай туныктышо-влак, кӧн паша стажшат кугу огыл гынат, нунын шке пашашт вер чонышт йӱла. Нуно эре иктаж-мом уым кычалыт. А вет кӧ кычалеш, тудо эре муэш. Снежана Иосифовна ден Артур Рафисович лач тыгай туныктышо улыт.
Мемнан муницпаль координаторна Ольга Михайлованалан кугу таум каласыме шуэш. Тудо тиде проектым илышыш шыҥдыраш тӱҥалме гычак мыланна методполышым ончыктен шога.
А. Зинурова,