Калтаса ужара
+6 °С
Пылан
Все новости
Новости
22 Кылме 2019, 11:15

Йӧршынат шӱк огыл…

Кугыпӱкш кыдеж – пеш шуко чер деч эмлен кертше шергакан продукт, организмым йод дене пойдарыме чапле йӧн.

Кугыпӱкш кыдеж – пеш шуко чер деч эмлен кертше шергакан продукт, организмым йод дене пойдарыме чапле йӧн.
Йод ситыдыме годым айдеме чот ноя, аздаралтеш, монда, тыгак парня чытыра, вӱргорно давлений кӱза. Тидыже поснак илалше еҥ, мӱшкыран ӱдырамаш да компьютер дене кужу жап пашам ыштыше-влакын палдырна. А рецептше тыгай:
1/2 стакан кугыпӱкш кыдежыш 2 стакан йӱштӧ вӱдым темыман, вартышым шолаш пуртыман да изи тул ӱмбалне 10 минут кучыман. Отварым йӱкшыктарыман, шӱрыман да кечеш 3 гана 1 изи пане дене йӱман. Тиде йӧн дене 1 гыч 4 арня марте эмлалтман.Организмыште йодын кугытшым тыге тергыман: кастене йодым кидыш йыгыман. Эрдене коваште яндар гын, организмыште йод ситышын уло. Тыгеже айдеме шкенжым палынак сайын шижаш тӱҥалеш, вещества алмашталтмаш нормыш толеш.
Кугыпӱкш кыдеж тыгак коньюктивит деч утлаш полша. Тидланже тудым кофемолкышто йоҥыштыман. 1/2 стакан порошокыш 1,5 стакан йӱштӧ вӱдым темыман, вартышым шолаш пуртыман да изи тул ӱмбалне эше 20 минут кучыман. Марле вошт шӱрыман. Отвар дене нӧртымӧ ватке дискым шинчагомдышыш пыштыман.
Настойко щитовидный ту, пагар-шолора корно, йыжыҥ дене кылдалтше черым, гипертонийым сайын эмла. Эмлан 0,5 л пурыман шемалге тӱсан кленчан 1/3 ужашыж марте кугыпӱкш кыдежым оптыман да ош аракам темыман. 2-3 арня гыч шӱрыман. Ямде настойкым кочмо деч ончыч 1 кугу пане дене подылман.
А тиде рецепт – сакыр диабет дене орланыше-влаклан: 2 кугу пане кугыпӱкш кыдежыш парня вочмылан шукырак ош аракам темыман, 1 арня шинчыктыман. Ямде настойкым кажне кечын 5-6 чӱчалтыш дене йӱман, почешыже 1 кугу пане вӱдым подылман. Тиде йӧн дене, вӱрысӧ сакырын кугытшым эскерен, 3 арня гыч 3 тылзе марте эмлалтман.
Йыжыҥ корштымо, радикулит орландарыме годым тургыжландарыше верлашке кугыпӱкш кыдеж настойкым йыгыман.
Тиде настойко тыгак пагар корштымо, вуйуш лушкымо да корштымо, нерве тургыжландарыме да омо йоммо годым пайдале.
Пайдаланыме деч ончыч врач дене каҥашыза.