2 №-ан Калтаса КШ-то йӱлашкак пурышо Виш омса кече эртен

9 ноябрьыште 2 №-ан Калтаса КШ-то йӱлашкак пурышо Виш омса кече эртен. Мемнан школна шушаш ийыште икымше классыш тунемаш толшо-влаклан шке омсажым почын. Фойеште мемнан тунемше-влакын сӱретышт-влак гыч выставкым ыштыме ыле, тыгак тӱрлӧ стенгазетым, поделкым ужаш лийын.

Школ мучко экскурсий актовый зал гыч тӱҥалын. Тыште нунылан 4б классыште тунемше-влак школ илыш нерген литературно-музыкальный композицийым ямдыленыт. Умбакыже йоча-шамыч вуй дене школ илышыш керылтыныт – нуно «По школьный тропам…» квестым эртеныт. Школ библиотекыште «Гостях у сказки» викторинын йодышыжлан вашештеныт, историй кабинетыште 20 курымышто лийыныт. «Инфознайка» станцийыште нуно интерактивный оҥаште сӱретленыт. Спортзал нуным ГТО снаряд да весела эстафете ден вашлийын, «Домисолька» станцийыште «Угадай мелодию» дене модыныт. Автодело кабинетыште Корно знак-влак тӱняшке логалыныт. Тыште нуно эше ик гана корно правил-влакым шарналтеныт, тыгак шкем уремыште кузе кучаш кӱлмӧ нерген ойленыт. Психолог нуным «Спокойствие, только спокойствие» модмаш дене вучен. А актовый залыште нуным квестым эртымылан кужун вучымо пӧлек-влак вученыт.

Школ директор Р.Х. Бигаев унамыт ончылно выступатлен да школын ончыкылык планже нерген каласкален. Класс вуйлатыше Р.Р. Хатмуллина ден 4б классыште тунемше-влак весела флешмобым ончыктеныт. Мерпориятий чайым йӱмаш дене мучашлалтын.

Школ администраций мероприятийын чыла участникшылан кугу таум ойла.

Н. Ахунова