«Мыланна садак огыл», - ойлат Краснохолмский ялсоветыште илыше калык да ППМИ-ште чолган участвоватлат

Мо тугай ППМИ? ППМИ але поддержка местных инициатив программе – тудо калыкын йодмыж почеш социаль-кӱлешан проблемым решатлаш полша. Погынымашлаште калык конкурсышто участвоватлаш кӱлешан проектым ойырен налеш. Администраций инициативный группо дене пырля йодмашым оформитлат да ППМИ-ын республикысе конкурс комиссийыш колтат. Комиссий йодмашым онча, акла да баллым шында.

Краснохолмский ялсоветыште ты проект 2016 ий гыч пашам ышта. Эн ончыч Кугу Агытан ден Изи Агытан яллаште илыше калык тушко ушнаш лийын. 2016 ийыште ты проект почеш шӱгарлам печыленыт, а 2017 ийыште эше ик конкурсым эртен Изи Атыган ялыште корным олмыктеныт.

2017 ийыште Шоръялыште илыше калыклан эстафетым пуэныт. Тыште уремлам волгалтарыме шотышто проблеме лийын.

Красный Холм селаште илыше калыкын йодмыж почеш 2019 ийыште Кугу Ачамланде сарын участникше-влаклан обелискым олмыктымо.

Шушаш ийлан Шоръялыште илыше калык проектыште участвоватлаш лийын да ончылгоч погынымашым эртарен.

2019 ий 27 ноябрьыште 15.00 шагатлан Шоръял СДК-ыште ППМИ шотышто иктешлымаш погынымаш эрта. Тушто конкурсышто участвоватлаш ялын кӱлешан проблемыже-влакым пеҥгыдемдыме лиеш да калык деч мыняр оксам погаш тӱҥалме суммым палемдат.

А. Армянинова.