Инвалид-влакын кечышт вашеш

2019 ий 3 декабрьыште Калтаса селаште инвалид-влакын Тӱнямбал кечыштлан лӱмдалтше пайрем мероприятий-влак эрташ тӱҥалыт.

Мероприятий-влак Калтаса селасе ДЮСШ-ан спортивно-тазартыме комплексыште 11.00 шагатеш тӱҥалыт. Тыште спорт фестиваль эрта. Программыште: шашке турнир, кырым нӧлтымаш, куржталмаш, баскетбол топым корзиныш кышкымаш, армреслинг да дартс. Участник-влаклан пелен спорт вургем ден йолчиемым налман.

Умбакыже, 13.00 шагатеш, «Городок» кафеште фестиваль участник-влакым пайрем кечывалкочкыш вуча. Тиддеч вара чыла тыланыше-влак районысо историй да краеведений музейыште лийын кертыт. Пайрем мероприятий порылык концерт дене мучашлалтеш.

Калтаса районысо инвалид-влак организацийын правленийже.