Кӧлан пиал шыргыжалын?

«Калтаса ӱжара» газет редакцийыште 2020 ийын икымше пелыжлан сералтше подписчик-влак коклаште розыгрыш эртен

Подписчик-влак коклаште розыгрышым эртарымаш редакцийыште шукертак поро йӱлашке пурен. Ме кажне гана тудым вес семын, ойыртемалтшым, эртараш тыршена. Тӱҥ приз-влак мемнан кажне гана тӱрлӧ. Моло ийлаште подписчик-влак телевизорым, велосипедым, холодильникым, мультиваркым модын налыныт. Тиде гана эн пиалан подписчикна-влак 5 тӱжем теҥгаш сертификатым модын налын кертыт. Тудым мыланна «Орион» торгайыше пӧрт пуэн. Сертификат коктыт – иктыже «Калтасинская заря» газетлан сералтше-влак коклаште модылтеш, весыже – «Калтаса ӱжара» газетлан сералтше-влак коклаште. Сертификат-влакым январьыште модын налына. А кызыт кок этап дене моло приз-влакым модына. Чыла приз - озанлыкыште кучылташ кӱлешан арвер.

Ноябрь тылзыште эртарыме розыгрышышко 332 подписке квитанций пурен. Ме 16 призым модынна. Акцийым эртараш мыланна 1 №-ан Калтаса кыдалаш школын кокымшо классыште тунемшыже Ямтиев Егор да Краснохолмский села гыч мемнан подписчикна А.В. Бикбатырова полшышт. Алеся Владимировна подписке квитанцийым конден лийын да розыгрышыш логалын. Но, чаманаш веле кодеш, шке квитанцийжым тудо коробко гыч луктын огыл. Тиде гана миен лектын огыл гын, вес гана пиал, содыки, шыргыжалеш манын ӱшанена. Туге гынат, тудын эше тӱҥ призым модын налаш шансше уло.

Декабрь мучаште розыгрышын кокымшо этапше эрта. Тушто, кӧ газетлан подпискым 25 ноябрь деч вара ыштен, тудо участвоватлаш тӱҥалеш.

Январьыште тӱҥ приз розыгрышыште чыланат участвоватлаш тӱҥалыт.

Тыге, Егор Ямтиев ден Алеся Владимировна Бикбатырован куштылго кидышт дене ноябрьыште приз-влакым модын налыныт:

«Холфитекс» мындерым – З.А. Миколкина, Калтаса села, Палантай урем, 31/1.

Стакан-влак набор (6 шт.) – К. Петрова, Калтаса села, К. Маркс урем, 140/4.

«МАХ-305» электро чайник – Л. Баранова, Краснохолмский села, Энтузиаст-влак урем, 11.

Салатник-влак набор (6 шт.) – Б. Ильмурзин, Изи Агытан ял, Советский урем, 24.

Св/диод светильник – М. Гадыршин, Кургак ял, Набережный урем, 4.

Пьезозажигалка – Р. Шакиртов, Калмиямучаш ял, Рӱдӧ урем, 61.

Салатник-влак набор (2 шт) – Е. Крлабаева, Васола ял, Рӱдӧ урем, 63.

Сахарнице – Д. Шаймарданова, Калтаса села, Матросов урем, 12а/1.

Пане дене сахарнице – А. Божик, Калтаса села, Горький урем, 19/1.

Оцинкованный ведра – М. Гараева – Павасола ял, Октябрьский урем, 12.

Кӱртньым пӱчмӧ ножовко – З. Апьялиева – Шоръял, Комсомольский урем, 8.

Пум пӱчмӧ ножовка – В. Пашбеков, Калтаса села, Рӱдӧ урем, 59.

Уремысе термометр – Ю. Лобастова, Александровка ял, Ленин урем, 48.

Почто яшлык – М. Вайтиева, Кӱшыл Качмаш ял, Киров урем, 15.

™стембал светильник – Л. Ивангина, Шоръял, Молодежный урем, 13.

Блиннице – Р. Михайлова, Калмаш ял, Рӱдӧ урем, 18.