Аяран батарейке

Российысе калык фронтын полатыштыже «Экологий» нацпроект да пӱртӱслан эҥгекым ыштыше куштырам утилизироватлыме нерген каҥашеныт. Ик эн лӱдыктышӧ – батарейке-влак. Лишыл жапыште нуным утилизироватлыме пашам эшеат вораҥдарен колтышаш улыт.

Батерейке 100 ий наре жапыште шӱеш. Ик парня кугытан батарейке 20 квадрат метр мландым аярта. Тыгак тудым ыштыме годым кучылталтше вещества-влак южыш логалыт гын, пӱртӱслан да айдемылан кугу эҥгекым ыштен кертыт.