«Ӱдырамаш – талукын директоржо» республике конкурсым иктешленыт

Тӱрлӧ номинацийлаште сеҥыше-влак коклаште Калтаса район гыч Кӧтеремысе йочасадым вуйлатыше Ольга Сюткина лийын.

Эртыше арнян ты конкурс 23-шо гана республикын эн сай ӱдырамаш-вуйлатыше-влакым чумырген. Тений конкурсын финалыштыже 15 участнице вашлиялтын. Нуно тӱрлӧ сферылаште тыршат: образований, медицине, торгайымаш, общественный питаний, калыклан услугым ончыктымаш. Нуно Уфа, Туймазе, Мелеуз, Стерлитамак, Благовещенск, Учале ола, Октябрьский, Дӧртыльӧ, Калтаса, Мечетле да Куюргазинский район гыч улыт.

Кӧтеремысе «Василек» йочасадым вуйлатыше Ольга Александровна Сюткина, тений тудо ты конкурсышто мемнан районнан чапшым арален, «За достижение в области образования» номинацийыште сеҥен.