Нефтекамскыште – «Салика»

З декабрьыште Нефтекамск оласе филармонийыште М. Шкетан лӱмеш Марий кугыжаныш драме театр калыклан С. Николаевын пьесыже почеш «Салика» музыкальный комедийым ончыктен. Тиде пьесе марий театрын шӧ ртньӧ фондышкыжо пурен. Икымше гана сценыште тудым 1938 иыште шындыме да ынде 80 ий утла тудо калыкым куандара. Спектакльыште действий 1912-1914 ийлаште кая.

Артист-влакат палыме улыт – В. Домрачев, и. Смиронов, А. Егошина да молат.

А ик эн тӱҥ рольым, Чопайын рольжым, мемнан районнан шочшыжо, Тошто Яш ялеш шочын-кушшо Генрих Тимиряев модеш.

Таче театр шке спектакльже дене Уфа калыкым куандараш тӱҥалеш.

9 декабрьыште М. Шкетан лӱмеш Марий кугыжаныш драме театр Калтаса РДК сценыште кок спектакльым – 11. 00 шагатеш йоча-шамчылан «Нӧнчык патырым» да 18.30 шагатеш «Илена-йӱлена» трагикомедий – ончыкта.