Райсоветыште башкир йылме дене каҥашымаш

Тиде кечылаште район администрацийын актовый залыштыже муниципаль район Советын черетан 29-ше каҥашымашыже эртен.

Тиде гана депутат-влак шке каҥашымашыштым башкир йылме дене эртареныт. Чылаже кандаш йодышым онченыт. Нунын кокла гыч иктыже – «О бюджете муниципального района на 2020 и на плановый период 2021 и 2022 годы» пунчал проектым пеҥгыдемдыме.

Тиде йодыш дене докладым финанс управленийын вуйлатышыже Райна Идрисова ыштен.

Тыгак депутат-влак общественный инфраструктура вияҥме дене кылдалтше конкурслаште участвоватлыме деч вара иктешлымаш-влакым ыштеныт.

Каҥашыме чыла йодыш деч вара кӱлеш пунчалым лукмо. Советын каҥашымаштыже тыгак район администраций вуйлатыше Юрий Садыров участвоватлен.

Мемнан корр.