Калтаса ужара
+20 °С
Пылан
Все новости
Новости
6 теле 2019, 21:00

Уфа олаште «За честь Республики!» фестиваль-конкурсышто сеҥыше-влакым чапландареныт

Ты кечылаште «Башкортостан» кугыжаныш концерт залыште «За честь Республики!» фестиваль-конкурсын республике этапшын финалыштыже сеҥыше-влакым палемдыме пайрем эртен. Тудо кумшо ий почела эртаралтеш.
Залыште сеҥыше-влак, образованийын, культурын, здравоохраненийын, самырык политикын, массовый информаций средстван пашаеҥже-влак, кушкын толшо тукымым туныктымо йодыш шотышто эн сай еш-влак погыненыт.
Тений мероприятийыште мемнан кундемнан шочшыжо, генерал-полковник, РФ-ын сулло военный летчикше, Чернобыль АЭС-ыште аварийым пытараш полшышо, Совет Ушемын геройжо, «Икоян Россий» деч Кугыжаныш Думын депутатше Николай Антошкин, РФ-ын сулло военный летчикше, летчик-снайпер, полковник, Российын икымше геройжо Владимир Алимов, воздушно-десантный войскан генерал-майоржо, Российын геройжо Сергей Тулин почетан унамыт лийыныт. Тыгак тений икымше гана ешартыш номинаций – «Калык признаний» пурталтын. Республикыште илыше калык латкок категорий дене сеҥыше-влакым ойырен налын.
Конкурс кок этап дене эртен. Муниципаль уровеньыште номинант-влакым предприятий ден организацийлаште анкетированийым эртарыме дене эртен. Вара «Калтаса ӱжара» район газетын сайтыштыже йӱклымаш лийын да вара сеҥыше-влакым региональ уровеньыште ойырен налыныт.
Ик эн ончыч сценыш «Промышленность, строительство, сельское хозяйство, транспорт и торговля» категорийыште номинант лектын. Нунын коклаште мемнан район гыч фермер, Калмаш ялын шочшыжо Яшкин Валерий Яковлевич лийын.
Ялозанлык училищым тунем пытарымеке Валерий Яковлевич озанлыкыште тракторист лийын пашам ышташ тӱҥалын. Шофер лийын тыршен, 1,2 верлам налын. Ончыкыжым посна предприниматель лийын. Пионер лагерь ден школ-влаклан спонсор полышым ончыктен. Кызыт кресаньык-фермер озанлыкым куча, вольыкым ашна, пырчан культура-влакым ончен кушта. Район калыклан полшаш тырша. БР ялозанлык министерствын да администрацийын Чап грамотыжо-влак дене палемдалтын.
Рейтинговый йӱклымаш деч вара, а тудыжо «Общественный электронный газете» площадкыште эртен, «Здравоохранений» категорийыште Калтаса райрӱдӧ эмлымверын терапий пӧлкажым вуйлатыше, функциональный диагност, кардиолог, Башкортостан Республикын сулло врачше Маргарита Ранифовна Насибуллина эн шуко йӱкым поген.
Медицинский коллектив да калык коклаште пагалымаш дене пайдалана. Тиде келшен илыше коллектив: медшӱжар, санитарке, кухня пашаеҥ-влак шке пашаштлан вуйын шогат, профессийыштым йӧратат, пациент-влак дене порын мутланат. Маргарита Ранифовна шкежат лидер улеш, тудо ты эмлымверыште 40 ий утла тырша. Кӧ Маргарита Ранифовна деке полышым йодын миен, тудын профессионал, шке пашажым сай палыше еҥ семын пала, чер-влакым эмлымаште кызытсе методике-влакым моштен кучылтеш. ™дырамашмыт каҥаш вуйлатыше семын ӱдырымаш-влакым аракам йӱмаш деч эмла, профилактике пашам намия. Тудо ӱдырамаш-ветеран-влак коклаште тазартыме, спорт да пайрем мероприятий-влакым эртара.
Сеҥыше-влаклан наградым БР вуйлатышын пелашыже Каринэ Хабирова, депутат-влак да оласе администрацийын пашаеҥже-влак кучыктеныт.
З. Максимова.