Йӱшӧ еҥлан руль воктене вер огыл

Йӱшӧ вуя автомобильым ик гана огыл виктарыше водительлан приговорым лукмо.

Краснокамский межрайонный суд Калтаса села гыч 38 ияш пӧръеҥлан приговорым луктын. Тудо РФ УК-ын 264.1 статьяже почеш осал пашам ыштымыжлан титаканлан шотлалтын.

Судышто пален налме, 2017 ий август да декабрь тылзын, 2018 ий июнь да июльышто пӧръеҥым тыгаяк осал пашам ыштымылан судитленыт. 2019 ий 9 июльышто эрык деч посна кодымо вер гыч лектын.

Туге гынат, икмыняр жап гыч, 2019 ий 31 август гыч угыч ВАЗ 219060 автомобильын рульжо воктеке шинчын, автомашинаже пелашыжын лийын, Краснохолмский – Нефтекамск корнышто тудым ГИБДД-ын пашаеҥже-влак чареныт да йӱшӧ улмыжым свидетельствоватленыт. Ты результат дене кӧнен огыл да тудым райэмлымверыш колтеныт. Тыште тудо медицине свидетельствованийым эрташ кӧнен огыл.

Судышто тудо осал пашам ыштыме титакше дене кӧнен.

Суд тудым 4 тылзылан эрык деч посна да кум ийлан транспотым виктарымаш права деч посна коден.

Титакан еҥым приговорым лудмо деч вара арестоватленыт. Приговор вийыш пурен огыл.

И. Ахметов, прокур района.