Кӧгерчен ялыште «Шежере» пайрем эртен

Мемнан ял клубышто «Шежере» пайрем эртен. Тыште Сяляховмыт ешын тукымвожшым ончыктымо лийын.

Стендлаште – фотосӱрет-влак дене тукымвож пушеҥге, тыште 10 тукымым ончыктымо. «Туганнар» муро йоҥга.

«Урал» башкир калык муро почеш пайремым В. Хайбуллина почеш, тудо К. Аралбайын «Шежере» почеламутшым лудеш. Вара клубыш погынышо калыкым пайрем программе дене палдарыш.

Кӧгерчен ялыш эн ончыч Бурай районысо Старо-Бикметово ял гыч илаш куснен толыныт. Тукымвож пушеҥгыште – Якуп-Буресгали – Афлятун – Саляхетдин – Сахипгарай тукым, вара – нунын икшывышт, уныкашт, кугезе уныкашт.

Тиде пайремыште ме тиде тукымвож пушеҥге гыч ик укшыжо – Саляховмыт еш нерген пален нална. Мемнан кугезе кочанан, Саляхетдинын куд икшывыже лийын: 5 эрге да 1 ӱдыр. Пайремыш Краснохолмский села гыч тудын уныкаже – Альфира Абубакировна Саляхова толын. Тудо шкенжын ачаже, Кугу Отечественный сарын участникше (ачаже сарыш кайыме годым тудлан улыжат кок ий лийын) нерген каласкален. Фотосӱрет, фронт гыч серыш-влакым ончыктен. Тыгак моло родо-шочшыжо-влак нерген каласкален. Мутлан, тудын шочмо изаже – Саляхов Файзелкабир, ятыр ий верысе ялсовет вуйлатыше лийын тыршен. Пайремыште тыгак тудын ӱдыржӧ – Светлана Файзелкабировна лийын. Тудо Нефтекамск ола гыч толын. Тыгак фотосӱрет-влакым конден да тыгай пайрем-влакым эртарымашын пайдаже уло манын каласен, вет икшывына ден уныкана-влак шке тукымвожыштым палышаш улыт. Саляхетдинын ӱдыржӧ – Мукарама, тудын ӱдыржӧ – Халиса Хакимова (ятыр ий вуйлатыше лийын тыршен) Николо-Березовка села гыч толын да шарналтен каласкален: «Мемнан кочана Саляхов Сахипгарай Саляхетдинович Кугу Отечественный сарын участникше, Муслима ковам дене 9 икшывым: 5 эргым да 4 ӱдырым – ончен-кугемденыт. Кочам пашам йӧратыше лийын, гармонь дене шоктен, ӱмыржӧ мучко колхозышто тыршен. Кызыт тудын кок ӱдыржӧ гына кодын – Марьяма ден Альфида. Сахипгарайын уныкаже-влак – Данил ден Венер Кӧгерченыште илат, Марат ден Марс – Краснохолмский селаште. Саляховмыт гыч эн кугу – Фарит Файзелкабирович (тудлан 65 ий, Алексеевка селаште ила, сулен налме канышыш лекмекыже тиде поселко администраций вуйлатыше лийын ыштен), а эн изи – Амиль Айдарович (тудлан 4 тылзе, Марат Саляховые уныкаже)».

Саляховмыт тукымышто кугу Отечественный сарын участникше, тылыште тыршыше, производствын ончылъеҥже, вуйлатыше, нефтяник, интеллигенций, тыглай пашазе ден колхозник-влак улыт. Ме нунын дене чылашт денат кугешнена».

Пайремыште Дамира, Васима, Альфина Саляховмыт шежере нерген почеламутым лудыныт, чыланат «Туганнарын кадарен бел» («Береги и знай своих родных») мурым шергылтареныт, стенд воктене войзалтыныт.

«Шежере» кугу пайремым ме шушаш кеҥежлан эртараш кутырен келшышна. Тудо Якупын тукымвожшылан лӱмдалташ тӱҥалеш, чыла родо-тукымжылан тидын нерген увертаралтын.

Д. Саляхова.