«Нужнан илыше еҥ-влаклан полшаш кӱлеш»: Хабиров чиновник-влаклан шерге У ий пӧлек нерген шке шонымашыжым каласен

9 декабрь – коррупций ваштареш кучедалме Тӱнямбал кече.

Российыште чиновник-влаклан пӧлекым налаш да кучыкташ чарыме. Тидын нерген Россий Федерацийын паша да соцзащите министерствыже У ий да Шорыкйол пайрем-влак деч ончыч чыла министерстве ден ведомствылашке серышым колтен.

Республике вуйлатыше Радий Хабиров ноябрь мучаштак чиновник-влаклан У ийлан икте-весыштлан шерге пӧлек-влакым пӧлеклаш чарен. Башкирий вуйлатыше Facebook шке страницыштыже позиций ик ий жапыште вашталтын огыл, манын возен. Кодший республике вуйлатыше чиновник-влаклан икте-весыштлан шергакан пӧлекым пӧлеклаш чарен. Тидын олмеш шкет илыше, шоҥго еҥ, нужнан илыше еҥ-влаклан полышым ончыкташ йодын.

Район администраций вуйлатыше Юрий Садыров:

Ме тыгак районышто илыше калыклан увертарена, кугыжаныш да муниципаль пашаеҥ-влаклан пӧлекым пуыман огыл, тыгак чиновник-влакат шке пашаштым шуктымылан пӧлекым налшаш огытыл. Организаций ден предприятий вуйлатыше-влак кажне пашаеҥ дене тидын шотышто мутланышаш улыт, тыгак тидын нерген увер организаций-влакын официальный сайтыштышт лийшаш.

И. Тимиряева.