«Ший оҥгыр» ансамбль шкенжын 20 ияш юбилейжым палемден

Шукерте огыл «Илаш кӱлеш» порылык концерт эртен. Тиде культура мероприятий годым «Ший оҥгыр» книган презентацийже, ансамбльын 20 ияш юбилейже да ансамбль вуйлатыше В.Т. Гиздельханова-Хайритдинован юбилейже вашеш пайрем концерт эртен.

Чыла участник, ончаш толшо калык да унамытлан кугу таум каласыме шуэш.

Тиде концертыште 10950 теҥге оксам погымо. Поснак 2 №-ан Калтаса КШ-ын коллектившым (директор Бигаев Ришат Хадыевич) да районысо образований пӧлкам (вуйлатыше Гарипова Эльвира Рашитовна) палемдыме шуэш.

Чыла погымо оксам районысо «Живи, дыши» общественный порылык фондыш колтымо лиеш.

Шарныза! Порылыкым оксала налаш але ужалаш ок лий, тудо шӱм гыч лекшаш.

В. Гиздельханова.