Шырпе пурен гын

Тидланже вӱд дене содым нугыдо немыр гай лиймеш варыза, шырпе пурымо верыш кӱжгын йыгыза да бактерицидный пластырь дене кучыктыза. Калык медициныште содо шырпым чараш луктын кертме вийже дене палыме.

Содо немырын ик верыште нӧлталалтмыжым ужмек, «лепошкам» чаткан тӧргалтарыза. Южгунам ты йӧн полшымо дене изи шырпым вигак лукташ лиеш. А кугу шырпын мучашыже чарашке лектеш, тудым кӱч але пинцет дене чывыштыл лукташ гына кодеш.