+2 °С
Пылан
Все новости
Новости
12 теле 2019, 17:30
Стажировкым сайын эртет, пашаш налыт
Шагал опытан самырык еҥым пашаш вигак огыт нал. Эн ончыч тудлан икмыняр тылзе стажировкым эрташ темлат. Тиде жапыште еҥ шкенжым профессионал семын, сай могырым ончыкта гын, пашаш налыт. Стажировкышто шкем кузе кучаш кӱлмӧ шотышто психолог-влак икмыняр каҥашым темлат.
Заметкым ыште. Вуйлатыше иктаж-мом ышташ кӱшта але паша дене кылдалтше иктаж-мом умылтара гын, чылажымат блокнотыш возо. Тидыже организованностьым, колышт моштымым да пашалан кожмак улмым ончыкта.
Эскераш тунем. Стажировкым эртыме годым пашаеҥ-влакын, вуйлатышын пашам ыштымыштым эскере. Нунын деч пашалан тунем шого.
Кеч-могай пашам ыште. Тиде улан тунемаш, пашаште опытым погаш полша. Кожмак улметым ужын, коллективыште тыйым пагалаш тунемыт.
Т¢ткын колышт. Вуйлатышым кок гана умылтараш ит тарате. Уке гын тыйым йолагай да внимательный огыл улат манын шоналтен кертеш.
Чылаштымат пагале. Поснак вуйлатышым. Тудо тыйын йолташет огыл, садлан пагален мутлане.
Пашаште паша нерген веле шоно. Пашаште яра перныл ит кошт, интернетыште арам ит шинчылт, социальный сетьлаште йолташет-влак дене ит возгале.
Отчетым кум гана терге. Ыштыме пашат нерген отчетым вуйлатышылан ончыктымо деч ончыч кум гана тудым терген нал. Грамотный лий.
Йодыш-влакым пуэде. Иктаж-мом умылен шуктен отыл гын, йодаш ит ӧр. Почешет пашам тӧрлатыме иктынат огеш шу, садлан умылтараш тылат эре ямде улыт.
Чыла дене палыме лий. Предприятийыште, офисыште ыштыше кажне еҥ дене палыме лияш тырше. Вашлийме годым эре саламлалт.
©1932 - 2024, Общественно- политическая газета Калтасинского района, учреждена Агенством по печати и средствам массовой информации Республики Башкортостан и ГУП РБ Издательский Дом "Республика Башкортостан"
Свидетельство о регистрации ПИ №ТУ02-01404 от 18 августа 2015 года. Главный редактор Акиев Виталий Аксяевич
Телефон
8(34779) 4-12-50
Электрон почто
Адрес
РБ, Калтасинский район, с.Калтасы, улица Пионерская, 7
Рекламе пӧлка
8(34779) 4-12-22
Редакций
8(34779) 4-12-44
Приемный
-
Пырля ыштымаш
8(34779) 4-11-95
Кадр пӧлка
8(34779) 4-12-22