Калтаса ужара
+20 °С
Пылан
Все новости
Новости
13 теле 2019, 23:40

Башкирийыште шыжымсе призыв шотышто план 90 процентлан темын

Тидын нерген республикын военный комиссарын пашажым шуктен толшо Рамиль Багаутдинов призыв комиссийым эртарыме йодыш шотышто БР правительствыште погынымаште ойлен.
Шыжымсе призыв тӱҥалме годсек РФ-ын Вооруженный Вий радамыш Калтаса район гыч 44 рвезе шке порысшым шукташ каен.
Теҥгече, 10 декабрьыште, Калтаса районысо военно-учетный пункт гыч Россий армий радамыш шым еҥ гыч шогышо команде каен. Тачысе кечылан тиде кудымшо призыв. Призым компаний мучаш марте эше кум гана рвезе-влакым армийыш служитлаш колтымо лиеш: 16 да 12 декабрьыште кум рвезе дене да 19 декабрьыште.
Калтаса районысо военно-учетный ӱстелын инспекторжо Надежда Иванован мутшо почеш, эн шуко – 13 рвезе дене 12 ноябрьыште да 10 декабрьыште каеныт.
– Октябрьыште шыжымсе призывной комиссийыш район гыч 157 рвезым ӱжмӧ лийын, – ойла тудо. – Нунын кокла гыч 50-же мемнан шочмо-кумшо элнам аралаш тӱҥалыт. Тӱҥжӧ, нуно сай служитлен да таза-эсен гына мӧгышкышт пӧртылышт.