Калтаса ужара
+18 °С
Пылан
Все новости
Новости
13 теле 2019, 23:00

Уфа олаште ВДНХ-ЭКСПО базыште «Уфа. Арт. Ремесла. Сувениры» выставке эртен. Ик мотор павильонышто мемнан районнан экспозицийже верланен лийын

Выставке калык промыселын, художественный мастар-влакын пашаштын чыла моторлыкшым, тудын тӱсшым ончыктен. Тушто Приволжский федераль округ да лишыл регионла гыч мастар-влакын пу, янда, шун, кӱ, коваште, меж, куэм гыч ыштыме изделийышт-влак лийыныт. Башкортостанын 340 утла мастарже республикын 58 районжо ден олажым ончыктен.
Мемнан районнан экспозийыже «Берегиня – оберег домашнего очага и семьи» манылтын. Калтаса гыч мастар-влак калык творчестве дене палыме ыштеныт.
Тыште Амчемучаш ял гыч Вера Манаеван, Кугу Келтей ял гыч Тамара Данилован, ™лыл Качмаш ял гыч Дина Раянован ургымо марий калык вургем-влакым ончыктымо лийын. «Шонанпыл» йоча усталык пӧртын шун гыч ыштыме модыш ден аралыше курчак-влакым кугу интерес дене онченыт.
Калмаш ял библиотекын пашаеҥже Дина Головко ден РДК пелен театральный коллективын вуйлатышыже Эльвира Галимова шке мастарыштын ӱзгарыштым унамытлан ончыктеныт. Мероприятий мучаште мемнан районна Диплом дене палемдалтын.
«ВДНХ-ЭКСПО» выставке комплексын тӱҥ сценыштыже республикын тӱрлӧ луклаж гыч 24 фольклор да куштышо коллективше-влак выступатленыт.
Уфа олаште фестивальыште «Школа ремесел» пашам ыштен. 100 утла мастер-классым ончыктеныт. Тыште ювелир украшенийым, меж гыч изделийым, калык курчакым ышташ, олма-влакым сӱретлен сылнештараш, межым шӱдыраш да молылан тунемыныт.