Финанс грамотность шотышто «мозговой штурм»

Уфаште виш республике чемпионат – кугырак класслаште тунемше-влак коклаште финанс грамотность шотышто «Из копеек рубль, из ручейков море» «мозговой штурм» эртен.

Тиде мероприятийым Уфасе региональный методический рӱдер, «Финпотребсоюз» БРО, «Интеллум» знаток-влак команде организоватленыт. Чемпионатыште республикысе школ, лицей, да гимназийла гыч 47 команде участвоватлен. 300 утла еҥ финалыште модын. Тудо кок этап дене эртен. Модмашым эртарымаште жюри команде чыла правилым шуктен толмым терген. Финанс грамотность шотышто йодыш-влак эрудицийлан да шонен моштымашлан лӱмдалтыныт лийын.

Тиде мероприятийыште мемнан район гычат тунемше-влак участвоватленыт. Тиде – «Будущее за нами» сборный команде. Тудын составыштыже Дарья Лазарева ден Радмир Ахунов (1 №-ан Калтаса КШ), Дарья Газкаева (2 №-ан Краснохолмский КШ), Ангелина Гилязева (2 №-ан Краснохолмский КШ), Лиана Хайбрахманова ден Виктория Хамидуллина (3 №-ан Краснохолмский КШ) лийыныт.

Тиде финанс грамотность шотышто чапле пайрем лийын. Чемпионатын задачыжым мемнан команде моло-влак деч начар огыл шуктен. Тыште модын колтышо лийын огыл. Тунемше-влак у шинчымашым налыныт, а тиде шинчымашлан оценкым нунылан илыш шында.

Тиде мероприятийыш миен толаш полшымыштлан районысо образований пӧлкалан, поснак пӧлкан тӱҥ специалистше Яна Николаевна Пряхиналан, водитель Вадим Витальевич Савельевлан кугу таум каласена.

Е. Ахметдинова, М. Никитина.