Калтаса ужара
+18 °С
Пылан
Все новости
Новости
14 теле 2019, 17:08

Краснохолмский ялсоветыште спорт дене келшен илат

Ноябрь мучаште Краснохолмский селасе «Лидер» ДЮСШ-те кугырак ийготан еҥ-влак коклаште спорт таҥасымаш-влак эртеныт.
Программыште дартс, куржталмаш, корзиныш топым кышкымаш, армреслинг (пӧръеҥ-влак), волейбол лийыныт.
Построенийыште, таҥасымаш-влак тӱҥалме деч ончыч, участник-влак ончылно Краснохолмский ялсовет вуйлатышын алмаштышыже Дарвин Фидаевич Шакиров ден ветеран-влак ушемын вуйлатышыже Иван Андреевич Чепкасов выступатленыт да чылалан тазалыкым, сеҥымашым тыланеныт.
Куштышо «Вдохновение» коллектив чыла участникын кумылжым нӧлтале. Тыште муро, почеламут, куштымаш лийын. Программын кажне номержым совым рӱж кырен вашлийыныт.
Ныжыл ӱдырамаш-влак грамото ден медаль верч кучедалын огытыл, а кумылым нӧлталаш манын нуно таҥасымашлаште участвоватленыт. Кажныже икте-весыштлан полшеныт. Шукыжо грамото ден медальым налыныт. Нуным илалше еҥ-влак манашат от тошт, чыланат мотор, чулым улыт. Тыгаяк мутлам пӧръеҥ-влак нергенат каласаш лиеш. Нунат виян, лӱддымӧ, писе лийыныт. Ик мут дене калсаш гын, чыланат молодец улыт. Тиде пырля келшен илыше коллектив: «Вдохновение» ӱдырамаш спорт-тазартыме группа ден пӧръеҥ-влакын волейбол команде. Нуно арнялан кум гана «Лидер» ДЮСШ-те тазалыкыштым пеҥгыдемдат.
Краснохолмский ялсоветыште илыше калыкын шонымыжым каласыме шуэш. Башкортостан Республике вуйлатыше Радий Хабировын ойлымыж почеш, кажне районышто кызытсе жаплан келшен толшо бассейн ден спорткомплекс лийшаш. Лач тыгай комплекс мемнан селаште лиеш манын ӱшаныме шуэш.
Г. Аксенов