Кугу Сеҥымашлан 75 ий вашеш

Сар тӱҥалме деч вара 30 кечыште Москва Кремль кенета «йомын». Сай маскировкым ыштыме деч вара Кремыльысе собор-влакын ыресышт ӱмбак чехолым чиктеныт, купол-влакым шем чия дене чиялтеныт. Кремль пырдыж воктене пӧрт-влакын фанер макетыштым ыштен шогалтеныт. Уремыш ошмам шавеныт, пуйто тыште шоссе эрта. Кремль зданий-влакын т¢жвал тӱсышт ынышт ойыртемалт манын, лавыра тӱсан сур чия дене чиялтеныт, ужар пӧрт леведыш Москвасе чыла пӧрт семын йошкар-к¢реналгыш савырнен. Тыге Кремль фашист-влаклан койдымо лийын.

Сар жаплан В.И. Ленинын капшым Тюмень олашке эвакуироватлыме.

1942 ийыште Псков область гыч 83 ияш кресаньык Матвей Кузьмин Иван Сусанинын гай подвигым ыштен – немыч-влакым ятыр жап ондалкален кондыштарен да Малкино ял воктене Калининский фронтысо войска-влакын засадышкышт намиен луктын. Немыч отрядым пытареныт, но кочам тушман-влак тиддеч ончыч лӱен пуштыныт.

Ты сар годым тӱрлӧ ийыште, кидеш оружийым кучен, 600 тӱжем гыч 1 миллион марте совет ¢дырамаш фашист-влак ваштареш кучедалын. Шке кумылын сарыш кайыше ӱдырамаш-влак гыч 3 авиациооный полкым чумырымо лийын. Ӱдырамаш-снайпер-влакым школышто л¢мын туныктымо. Кугу Отечественный сар годым 87 ӱдырамашлан Совет Ушемын Геройжо лӱмым пуымо.

Сар годым 16 ияш марте вич тунемшым Совет Ушемын Геройжо лӱм дене палемдыме. Тиде – пионер герой-влак 14 ияш Марат Казей, Валя Котик, Зина Портнова да 15 ияш Саша Чекалин ден Леня Голиков.