Эн палыме двоечник-влак

Руш литературын классикше Антон Чеховым гимназийыште тунеммыж годым кок гана кокымшо ийлан коденыт.

Английын ончычсо премьер-министрже Уинстон Черчиль школышто ик эн удан тунемын. Тудо лач тугай предмет-влакым ойырен, кудышт келшеныт. Удан тунеммыжлан кӧра йочам чӱчкыдын розга дене кыреныт. Но 1953 ийыште тудо литератур дене Нобельын премийжым налын.

Совет поэт Владимир Маяковский изирак класслаште сайын тунемын, но вара тунемаш кумылжо лийын огыл.

Изобретатель Томас Эдисон школышто икмыняр тылзе веле тунемын. Аҥыралан шотлен, туныктышо-влак тудым поктен луктыныт. Вараже йочам мӧҥгыштыжӧ аваже туныктен.

Поэт Иосиф Бродский шым классым веле пытарен. Тудым кокымшо ийлан коденыт, тунам рвезе школыш коштмым чарнен.

Композитор Людвиг ван Бетховен ӱмыржӧ мучко серышым возымыж годым йоҥылышым ыштылын. А проста математический действий-влакым – ушымаш ден кудалтымашым – мучаш марте тунем шуктен огыл.