«Холмичи-влакын» поро пашашт

«Край башкирский, край башкирский, Калтасинский край родной… Здесь в поселке Краснохолмский дружною живем семьей!.. И не просто проживаем, а на ложечках играем!..»

Тиде муро гыч весела мут-влак дене тӱҥалыныт шке выступленийыштым Ильшат Габидуллин да Краснохолмский селасе «Холмичи» образцовый театр. Нуно Уфа оласе порылык концертыште участвоватленыт. «День Инклюзии» мероприятийым 7 декабрьыште Башкортостан Республикысе «СоДействие» инвалид йоча-влакын ача-аваштын Региональный общественный организаций организоватлен.

«Холмичи» ден «СоДействие» шукертсек келшат. Театрын артистше-влак ик гана веле огыл тиде общественный организацийын эртарыме мероприятийлаште участвоватленыт.

Тиде гана тыште «Холмичи» театрын кокла да изи группыш коштшо актер-влак гына участвоватленыт. Коллективын старостыжо Алексей Шакертдинов дене пырля сценышке Игорь Шангараев, Геннадий Пестерев, Булат Шарапов, Сергей Кеян, Айрат Гайбатов, Иван Бронников лектыныт. Владимир Холин ден Максим Николаевлан республике сценыште тиде выступлений икымше лийын.

Ончаш толшо калык театрын выступленийжым совым рӱж кырен вашлийын.

Башкортостан Республикысе «СоДействие» организацийын вуйлатышыже Людмила Сахапова «Холмичи-влаклан» кугу таум каласен.

А. Митрошин