У ий нерген оҥай факт-влак

Икымше саламлымаш

31 декабрьыште пелйӱд шушаш лишан кугыжаныш вуйлатыше-влак телевизор дене 1970 ий марте саламлен огытыл. Но 1970 ийыште Леонид Брежневын выступатлымыже пайрем кумылым пуртен огыл: тудо вичияшын лектышыже да коммунизмыш кайыме нерген кужу жап каласкален. А Владимир Путин Россий калыкым икымше гана 1999 ийыште Б. Ельцинын пост гыч кораҥмыж деч вара саламлен.

Почеламутлан – 116 ий

«В лесу родилась елочка» («Чодыраште шочын изи кож») почеламутым 116 ий ончыч Раиса Кудашева возен. Тудым 1903 ийыште йоча журналыште савыктеныт. 1905 ийыште композитор Леонид Бекман семым возен. Тиддеч вара ты мурым кажне У ий мероприятийыште мурат. Тудым шуко йылмыш кусарыме. Марлат мурена.

Лумӱдыр ондак ӱдыржӧ лийын

Ондак У ийлан йоча-шамыч деке Йӱштӧ Кугыза шкетын толеден. 1873 ийыште драматург Александр Островский «Снегурочка» пьесым возен. Тыге лумӱдыр Йӱштӧ Кугызан ӱдырышкыжӧ, а вара уныкашкыже савырнен. Но 1927-1937 ийлаште Лумӱдырымат чарыме улмаш. 1950 ийыште Кремльысе елкышто Йӱштӧ Кугыза дене пырля лекмекыже, тудым чылан палаш тӱҥалыныт.

1 январь – паша кече

1947 ий марте СССР-те 1 январь паша кече лийын. лач 1947 ий 23 декабрьыште веле СССР Верховный Совет президиум лӱмын пунчалым луктын, да 1948 ий 1 январь каныш кече лийын.