Калтаса ужара
+29 °С
Пылан
Все новости
Новости
10 шорыкйол 2020, 21:05

Пайдале пызлыгичке

Ты емыж каротинлан, С, В, РР витамин-влаклан поян. Арам огыл кугезе кована-влак тудын дене тӱрлӧ маскым, лосьоным ямдыленыт. Пызлыгичкын сокшо куптырым шупшылеш, чӱнчам пытараш полша, коваштын тӱсшым уэмда.

Чурий коваште свежа лийже манын, пызлыгичке гыч маскым ямдылыза. Тидлан ик кугу пане пызлыгичке сокым ик изи пане лимон сок дене дене пырля лугыза. Ты вартышым чурийыш йыгыза, вара йӱштӧ вӱд дене шӱалтыза.
Тыгак пызлыгичке гыч скрабым ышташ лиеш. Тидлан пел стакан пызлыгичкым мясорубко гоч колтыза, шолдыра шӧнчалым ешарыза. Чыла пырля лугыза да чурийыш йыгыза. 5-10 минут массажым ыштыза да леве вӱд дене мушкын колтыза.
Шоҥгемаш тӱҥалше коваштылан пызлыгичке лосьоным ямдылаш лиеш.
Ик стакан емыж ӱмбак ик стакан шокшо вӱдым пыштыза. 30-40 минут шинчыктыза, марле гоч шӱрыза, ик изи пане мӱым ешарыза. Сайын лугыза да янда атыш темыза. Ты вартыш дене чурийым эрдене да кастен йыгыза. Лосьоным холодильникыште кок арня аралаш лиеш.