Маймыл-влакын курыкышт

Верысе калыклан маймыл – шнуй янлык. Нуно урем мучко ласкан коштыт, суртыш, унагудыш пурен лектыт. Йол курыкыштак храм верланен. Тудо маймыл-влаклан шочмо суртышт гаяк. Храм тошто, сӱмырлен пытыше оралтым ушештара, тушто Буддын статуйжо нӧлталт шога. Храм йыр маймыл-влакын фигурышт улыт, тушко йыҥгыр-влакым сакалыме. Храм покшелне кугу чаҥ кеча. Маймыл-влак тудым тарватылыт, тыге йӱк лектеш.

Маймыл-влаклан кид гычак тӱрлӧ фруктым, пӱкшым пукшаш лиеш. Но шекланыман, иктаж арверым шолыштын кертыт.

Курык йолышто икмыняр буддийский храм уло. Тушто Китай буддизмын геройжо-влакын сӱретыштым, статуйыштым ужаш лиеш. Тыгак курыкышто сылне кактус сад кушкеш.