Калтаса ужара
+17 °С
Пылан
Все новости
Новости
14 шорыкйол 2020, 22:10

Погонан Йӱштӧ Кугыза ден Лумӱдыр йоча-влакым У Ий дене саламленыт

У ий – юзо жап, кажнына тидлан ӱшана. Поснак тидым йоча-шамыч вучат.
Калтаса районысо Кугыжаныш автоинспекцийын пашаеҥже-влак «Полицейский Йӱштӧ Кугыза» акцийыш ушненыт, тудо уло Россий кумдыкышто эртен.
Кажне кечын чийыме формым У ийысе тӱҥ йомак персонаж-влакын – Йӱштӧ Кугыза ден Лумӱдырын костюмжылан вашталтен, кугыжаныш инспектор ден ПДД безопасность пропаганде шотышто инспектор пашам пырля ыштыме йолташышт-влакын йочашт-влакым саламлаш каеныт. А йоча-шамыч тидлан кузе куаненыт! Кажныже Йӱштӧ Кугыза да Лумӱдыр дене мутланен, нунылан почеламутым каласкален.
Икшыве-влакын тыршымашышт арам лийын огыл, нунылан Йӱштӧ Кугыза ден Лумӱдыр шере кочкыш дене коробкым кучыктеныт. Йомакысе персонаж-влак ешлан тазалыкым, пиалым да у ийыште чыла сайым гына тыланеныт.
Т. Нурисламова.