Калтаса ужара
+18 °С
Пылан
Все новости
Новости
17 шорыкйол 2020, 22:52

Калтаса районысо ЗАГС пӧлкаште аза шочмо нерген ныл актым регистрироватлыме

Азан шочмыжо – моткоч кугу пиал. А эше ик куанле событий – икшывын икымше документшым кидыш налмаш.
Январь кечылаште Калтаса районысо ЗАГС пӧлкаште аза шочмо нерген ныл актым регистрироватлыме. Ныл азан ачаж ден аваже нунын шочмышт нерген свидетельствым налыныт. Кок аза эртыше ийын декабрь кечылаштыже шочыныт, а эше кокыт – январьыште. Тиде Калтаса да Краснохолмский селалаште, Васола ялыште илыше ешлаште кугу куан лийын. Тидыже куандара, шочшо аза-влак коклаште иктыже ешыште икымше икшыве лийын, молыштышт кокымшо, кумшо да нылымше лийыныт. Арам огыл ойлат, икшыве шуко ок лий. Тек мемнан районышто икшыве-влак шукырак шочышт, тугеже пиалан еш-влакат шукырак лийыт.
Калтаса районысо ЗАГС пӧлкаште тыгай ӧрыктарыше лӱм-влакым каласеныт.
Эртыше ийын ЗАГС пӧлкаште шочшо 199 азам регистрироватлыме лийын: 100 ӱдыр ден 99 эрге. Шукыжо – 63 – кокымшо икшыве лийыныт, ты ешлаште ӱдыр але эрге улыт. 52 ешыште кужу жап вучымо икымше икшыве шочын, кумшо 49 аза шочмо дене шуко икшыван еш статусым налын. 17 аза – нылымше икшыве ешыште, а 16-шо – визыт деч утларак кушшо ешла гыч. Талуклан районышто кок йыгыр аза шочын. Процедура-влак деч вара ныл икшыве ешыште илаш тӱҥалеш.
Эртыше ийын Илья, Глеб, Егор, Ева, Полина, Ксения лӱм-влакым шке икшывыштлан пуэныт. Нунын коклаште шуэн вашлиялтше лӱм-влакат лийыныт: Эмин, Арам, Доминика, Элиана, Стефания, Лилита.