Келтей ял библиотекыште «Хозяюшка» клубышто вашлиймаш эртен

Русьышто Шорыкйол гыч Крешене марте жапым Святки маныныт. Тыгодым жапым веселан эртареныт, мужедыныт. Мужедме нерген «Хозяюшка» клубын участницыже-влакат каласкаленыт. Тыгак тидын нерген Келтей ял библиотеке вуйлатыше Малина Ильинична Ислаева каласкалыш.

– Клубын участницыже-влак вашлиймашке кид паша дене толыныт. У ий каникул жапыште кӧ мом пидын, каласкаленыт. Мут почеш мут, Шорыкйол мужедмашланат жап толын шуо. Ӱдырамаш-влак ожно кузе мужедмышт нерген каласкаленыт. Меат ӱдырамаш-влаклан мужедаш темлышна. Тидлан ме тарелкыш шурно пырчым, суравочым, шекарым, шӧнчалым, конфетым да оксам пыштен ямдылышна. Пырче лектеш гын, киндан лият, суравоч – пачеран але машинан, шекар ден конфет – илышет моткоч сай лиеш, шӧнчал гын, изиш нелырак, окса – поянлыклан. Мужедмаш чылалан келшен.

Тыге ме касым веселан эртарышна.